ఎదగాతమ
ఎదగడమంటే
మన మూలాల్ని
మన పాదాలతో
మనమే
అనగత్రోక్కటం కాదు
మనతో పాటు
అత్యున్నత శిఖరాలకు
తీసుకుపోవటం
ఎదగటమంటే
మనల్ని
నిలువెల్లా అల్లుకున్న
తీగల్ని
పుటుక్కున
తెమ్చేయటం కాదు
కమనీయ స్పర్శను
వాటికి కానుక చేయటం
ఎదగటమంటే
చండ్రనిప్పులను
ఎగజిమ్ముకుంటూ
నింగిలోనికి
ఎగిరిపోవటం కాదు
మమతానురాగాల
జలా౦త్రగాములై
జనసంద్రపు
అట్టడుగు పొరలలో
పయనించటం కూడా
ఎదగటమంటే
మానవత్వాన్ని
మనిషి తత్వాన్ని
విషర్జించటం కాదు
అవే
నీ అన్నపానీయాలవటం
ఎదగటమంటే
అంతరిక్షం లోనో
ఆవలివైపునో
నివశించట0 కాదు
నీ ఇంటికీ ప్రక్కింటికీ
పెరిగిన దూరాన్ని తగ్గించటం
ఎదగటమంటే
నీ అస్థిత్వానీ కోల్పోయి
రూపాయిగా
రూపాంతరం చెందటం
అంతకన్నా కాదు
నీ జీవితపు దస్తావేజుకి
నిలువెత్తు
సంతకమవటం
ee kavita naaku chalaabaagaanchindandi..
ReplyDeletethanks
Delete